Nama tepirak kitci iriniwok kata ki wepahapewok
Neta « pourvoirie » Mauricie askik ka takoki weckatc tepirak ko kitci iriniwok matci icawakopan. Wiec 1880 ka tatopiponikak aniki iriniwok notc ka misikitatcik tapickotc ko pa wepahapewakopan. Iskwewok tca wirawaw pamickawakopan e tca akwactehowaspan aka kitci wirpasotcik otactimikwewak. Pitoc tca aci anotc icinakon. Anotc aci mitcen ke ki metawaniwok aniki otci ka pe iciworatcik kaskina onitcaniciwaw. Mirowinakosiwokc otena awacak e pa aitaciketcik notcimik matcerika tca e wapatakik ka ici takonik notcimik.
E ici mireritakok nipik, 1880
Micta micaw ke ki ici metowaniwok notcik, 2016
E nipinik ke ki ici metowaniwok : tetipapickatcikan pa miparinaniwon, notcimik pamotaniwon, mawotcitakaniwon « champignon » ka icinikatek notcimik ka nitawikik, kipacimonaniwon, « kayak » pa mickawokaniwon matci kaie tciman kekotc « pédalo ».
Wepahapaniwon « pourvoirie » Hosanna, 2017
Atita « pourvoiries » kiskinohamakewok e totcikaterik e wepahapaniwonik aniki otci mitcerika ka pe nta wepahapetcik.
Awacak ka kiskinohamowakaniwitcik kitci wepahapetcik neta sakihikanik St-Pierre, 2018
Awacic kiskinohamako otawiwa kitci wepahaperitci cekotc miskomik, 2013
E piponik tca pamosamtaniwon, pamiparinaniwon skito, cocokwesam pamotewakaniwon notcimik, wepahapaniwon cekotc miskomik e ki tawopaniwok.