Wikwas tciman ocitakaniwon
CAN ki otinikatew nihe masinasiwin.
Tipirowe ka titakik masinasowina : Atikamekw Sipi masinahikewokamok.
Mitcetokasonaniwon e nisawinaniwok kitci ocitakaniwok wikwas tciman. Iriniwok papokockwewok acitc mictikwa natcikohewok. Kaie monitapewok. Iskwewok tca ocihewok otapia, mawotcihewok pikiwa cikopik acitc masinatahikewok wikwasik. Kiapatc anotc tapickotc otamirowok iriniw acitc otiskwema e wikwamotiketcik kaie kotakeriw kekociciriw wikwasiriw e apatcitatcik. Kaskina e peikotenowesitcik witcicanak witcihitowok, tapickotc otamirowok.
(Awik: Répertoire du patrimoine culturel du Québec)
Iskwew taci pikikitam wikwas tcimaniw. Pikiw cikopik ki manikotakaniwiw ki tca tikisowakaniwiw kitci mocakamisitc, enko ka totowaniwitc e pikikitcikatek wikwas tciman. Awaca taci kanawapamiko.
Collection photographique du Conseil de la Nation Atikamekw, Wemotaci