Witcican atisokana: Béland ka iciwirakaniwitcik

Witcicanak Béland tipotcimohaniwok: ka tiperitakik pactonekiwamiriw « Club Hosanna »

 Pecotcik nokohakiniwiw « monsieur » Max Béland, ka ki tcimotatc «Club Hosanna », e tipatcimokakaniwitc. Pitakamik « musée Hosanna » taci apiw tetapiwakanik. Ka masinatek: Michel Béland.

Michel Béland: Nin Michel Béland, weckatc notcimik ni ki otamiron, nin ka ki tcimotaan « Club Hosanna ».

Pecotcik nokohakaniwiw « monsieur » Max Béland, ka tiperitak pactonekiwamiriw « Club Hosanna », Michel Béland okosa, e tcipatcimohakaniwitc, taci apiw namatewetakahikanik mikiwamik notcimik.  Ka masinatek: Max Béland.

Max Béland : Nin Max Béland. Ni ki tapickowaw notawi Michel aci mitato pipona awocamec. Anotc tca ni mitan pactonekiwam kirika nit iskwem Lucie acitc ninitcanicak, Emile acitc Élodie, aka wiskat warowik e pa taciketcik.

(kitotakaniwon)

Nokosiwok ahackotc witcicanak Béland e motetcik notcimik. Icpimik otapitcikatew « chalet » pecotcik sakihikanik pacitc tca nokon e matanak nac micta warowik. Ka masinatek: Pactonekiwam « Club Hosanna», Mauricie askik. Iriniw masinaso e taci nanipowitc pecotcik otapanaskok miti e mockinetik atikw tca e otapetc. Minawatc nokon masinasowina, rikasetik tipatcimowin acitc weckatc irapatcitcikana e ki apatak e manikaniwok neta pactonekiwamik.

Pecotcik nokohakaniwiw Michel Béland e tapatcimohakaniwitc, pitakimik « musée » Hosanna.

MB : 55 pipona ni ki otamiron notcimik kaie wepahapewin acitc ntosowewin ni ki mitan.  Anotc aci nikosis acitc nosimak niki witamowawok kitci kiskeritakik tan ka ki ici pimatisian irikik notcimik ka ki pa tcikean.

(kitotakaniwon)

Nokotakaniwon weckatc irapatcitcikana, minawatc iriniwiw acitc otiskwema tcimanik e tca wepahapetcik, minawatc Max Béland e wapatahiwetc e micta mirosiritci namesa.  Pecotcik nokohakiniwiw Max Béland e tipatcimohakaniwitc e taci apitc namatewetahikanik.

Max Béland : Mauricie askik ici takon nihe « Club» Hosanna ». 130 km irikikaskomikaw aci. Tawok neta macimekosak acitc namekosak.  Mitcet « chalet » nokotakiniwon micta sakihikan pecotcik e ki manikaniwok acitc e micta notcimiwok.  Pecotcik nokohakaniwiw Michel Béland e taci apitc tetapiwakanik pitakamik « musée » Hosanna.

M.B: Anotc « les forestiers » itaniwon, weckatc tca « un gars de bois » itaniwonopan.  Nimocom ko nit itakotai: Taw nin « un petit gars de bois ». Nimocom acitc noko ka ki kiskonohamowitcik tan e ici pimatisinaniwok notcimik.  Tapwe tca « gars des bois » itatisipanak. Kackitapanak e matcihitisotcik notcimik e ki taciketcik mocak. Kecpin ko e matcewirispan nimocom, nama wiskat ni ki otci kocten aka kitci mitcisoan kekotc aka kitci nipaan, nama kekocic ni noteparitan.  Nama kinec aci kotc ko kwackwepitepan namesa tepirak cectikwapiciriw e totakipan.  Mocak mikowinaniwon e awaciwinaniwokipan ka ki ici wapakaniwok. Anotc aci ni kiskinohamowawok e ici kiskeritaman Max acitc nosimak.

(kitotakaniwon)

Tcoperkiwan nokon acitc mitcet masinasowinak : atikocicak mictikok e ki orikotakaniwitcik e otapetcik mitiriw acitc « autoneige » e wapatahiwaniwok.  Nokon weckatc waskorentamakan, makikaniwoc, weckatc « puise » ka icinikatek, namesak e ki orikotakaniwitc mictikok.  Pecotcik nokohakaniwiw Max Béland e tipatcimohakaniwitc e taci apitc namatewetahikanik.

M.B : Tato kicko patam memantcic iti kiskeritcikatew nihe ka wapatahikowin. Matci « autoneige » e ocihakaniwitc, e manikaniwok, macimekosak e nitawikihakaniwitcik kitci ki kackitaniwok ka ici kiskinohamakowin.  Mitceto pipona tacikikatew. Ekoni nin ka ki ici matcekian. Mitato pipona ni tatopiponesitai, ni mikowin kiapatc. Nikosis anotc ka tatopiponesitc ekoni e istatisiapan… Nit apicicitai ni nosinehwatai tca ko, tato kicko ocki kekociriw ni kiskinohamakotai. Tan e isparik acit e irapatak kekocic, ka apatak ni wapatahikowitai acitc kitci ocitaan kekocic e pikoparik kaie e manikaniwok ni kiskinohamakowitai.  Tato kicko ni ki kiskinohamakoin ke aitotiskean anotc tca ekoni e irapatisian, enko ni ni pimatisiwin.  Nama wiskat ni ka meckotatisin.

Nokotakaniwon « autoneige », misewatikokiwam pitakamik kaie e icinakok.  Nokosiwok awacic acitc otawiwaw e kwackwepitatcik namesa rareak.

Ka mitapetcicohwatc atimwa : Kicipatakw mahikanicak ! Ketin, ketin !

E pipok nokotakaniwon,acitc ka mitapetcicohwatc otema e otaperitci otapanaskwa. « Autoneige » « Club » Hosanna e ici matceparitc, names atamipekok e ki masinohwakaniwitc.  Wepahape iriniw tcimanik e taci apitc acitc mwakw e ki ocikohwakaniwitc ototikonik

M.B : E ickwa 30 tato piponikak, ni wapamawok ninitcanicak awocamec e iti mirowesitcik. E wapamakik nosimak e pe kiwotimitcik e tca pe icitcik : Ki ka ki witcihitinan a nimocom? Kekwan ka ki mitcerika itotiskein anotc? Wirata mitcen kekocic ka wi itotiskean.  NI kanawapamikok awacak, ni micta kicteriten e wapatakik e ici kiskeritaman.

(kitotakaniwon)

Michel Béland nokosiw pecotcik meskanak ka ici pamotaniwok notcimik acitc osima.  Mia sa e taci atisokwatc. Pecotcik nokohakaniwiw Max Béland e tipatcimohakaniwitc namatewetakahikanik acitc onitcanica Elodie acitc Émile Béland.

M.B : Nihe kirowe ka mirowinaman anotc ni wapamitison e kanawapamakik ni nitcanicak Elodie acitc Émile. Ekoni mia e tatopiponesiapan Émile ka tatopiponesitc, 10 pipona ni apitc. Anotc tca kirowe ka mirotaman e ni ko kokwetcimikik ni nitcanicak : « Kekwan kita mireritenawaw ke itotiskeekw kecko  »?

Émile : Nin, kitci titaman ohwe pactonekiwam.

Elodie : Kitci otamiroan pactonekiwamik « club » Hosanna.

M.B : Tapwe a ! Ki micta mireritamohinawaw. Hahaha! Miro kicikaw a anotc

Elodie, Max acitc Émile : Ehe !!!

(kitotakaniwon)

Icpimik otapitcikatew sakihikan acitc masinatew : Witcicanak Béland atisokan.