Mauricie askik: ka witci otamirotcik, 1984

Ohwe atita ka ki masinahikatek apitc ka ocitakaniwok « L’association des pourvoiries » – 1984

Ka ici nataweritcikatek ke icinakotakaniwok « corporation » ka icinikatek :

A) Kitci mamowinikatek kaskina pactonekiwama ka takoki askik 04 ka tatosinatek « Ministère du loisir, de la chasse et de la pêche » ka mitatc.  Kitci witcihiwetc irakonikewinik itekera tan ke aitotcikaterik kitci manatcihakaniwitcik kaskina awesisak ka tatcik ota. Kitci kaie witamowatcik omanitemiwawa ite keki ici mireritamiritci e pa aitatcikeritci, aka aric kitci acotcipitatcik kotakihi ka ki mamowihitoritci e ici nataweritamiritci kitci manatcihakaniwitcik awesisak acitc namesak kaie aski kitci manatcitakaniwok.

B) Kitci wikosimakaniwitcik acitc kiskeritamohakaniwitcik aniki ka wi pe nta natohotcik acitc wepahapetcik kaie atosketcik ite mia ke icatcik ota askik 04 ka tatosinaterik, kitci tca mireritamiritci e ki pe icaritci acit minawatc kitci wi pe icaritci ota.

C) Kitci witcihakaniwitcik mantewok ka pe icatcik pactonekiwamik kitci kisteritakik tan ka ki ici orakonikaniwok kitci manatcihakaniwitcik kaskina awesisak ka tatcik ota Québec askik.

D) Kitci ki witcihakaniwitcik aniki ka ki mamowinitotcik ka tiperitakik pactonekiwamiriw wewerita kitci mihatcik omanitemiwaw kitci ki mireritamoritci tan ka ici mihakaniwitcik kotc ite pactonekiwamik e ki icaritci.

E) Kitci pakitinikik masinahikaniw taci e wawitakik tan ke ici mihatcik omanitemiwaw ke pe icaritci ota 04 ka tatosinatek aski ke aitotiskeritci tan wa aitotakik notcimik.

F) Pactonekiwama ka ki mamowihitonitcik tapickotc otamiropanak acitc kotakihi « Association » ota 04 ka tatosinatek askik kaie niki ka nikanapitcik otenak kaie « provinciaux » acitc « fédéraux » ka icinikateki kaie kotakihi « organisme » ka icinikateki kirawe kitci ki iti mitcetitcik tan e ticitcik.

G) Ka ki mamowihitotcik pactonekiwama coriakatitowok wirawaw tca tipirowe apatcitawok ocoriamiwaw kitci witcihitotcik mamo acitc otinamatisowok ke irapatcitatcik kitci ki aitotiskeritci omanitemiwaw kotc e ici nataweritamiritci.

Mauricie pactonekiwama ka mamowihitotcik masinahikan (Association des pourvoiries de la Mauricie)