Tipatcimo masinahikanik «Innuelle »ki otinikatew

Nosanehiko okosa.

Ka ki masinahak : Liliane C. Awashish

Manawan – Manawani iriniw, Jean-Claude Newashish esko 10 tatopiponesitc ka ocitatc wikwas tcimaniw. Ki mireritam kitci atisoketc tcipatcimo masinahikanik Innuvelle.

Ka waciwitc Jean-Louis, mocak ki wapamew otawiwa César Newashish e wikwas tcimanikeritci rareak sakihikanik Metabeckekak Manawanik. Ka iti matcekitc mocak ki witcihew otawiwa e aikokataritci kaskina ka apatanik e wikwas tcimanikeritci. Kaskina tca notcimik e ki otinikaterik. « E witcihikipan notawi ekota ka kiskeritaman e aitotcikatek e wikwas tcimanikaniwok. Ekote tca e totaman ka ki ici kiskinohamowitc » itew.

Kotc ka mitato piponesitc aci ocitapan nictam otcimanikan 1p. e irikwarik ekoni tca aspin awocamec mitato wikwas tcimaniw ki ocitaw.  1985 ka tatopiponikak tapickotc ki ocitawok micta wikwas tcimaniriw
« rabaska » ka icinikatek 30p. e asitci kinotikarik.  Witcicana acitc otawiwa, 83 aci e tatopiponesiritci, ki mamokamok. Vancouver otenak ki actakaniwiniw kitci wapatahaniwonik neta « Exposition universelle » ka totcikatek.

15 p. e irikwak  wikwas tciman e ocitakaniwok peiko pisimwa tacikatew.  E ickwa otinikatew kaskina ke apatak, nico manactakana tacikikatew e ocitakaniwok.  E papokockwaniwok kirawe kictapatan mocak tca e miroskamik ni itotiskaniwon wiec wapikon pisimw. Nama kinec tacikam e papokockwewetc naha kice iriniw Newashish. Minawatc mamowictaham wikwasiriw otapia e apatcihatc.

Kicikw apatisiw onoskotc tcimanik , les serres, les traveres et les plats-bors. Mamitcik e totcikatek kitci kictakaniwok :  pikikitcikatew. Nokon tca tepirak notcimik e ki otinikatek kaskina ka ki apatak e wikwas tcimanikaniwok.  «Nama nit apatcitanan tcistaskwan nama kaie akokosikan kekotc kotak kekocic.» ki itew  Jean-Louis Newashish.

Otawiwa

Jean-Louis Newashish otawiwa, César Newashish, ki miro kiskerimakaniwiw e micta kackitatc e wikwas tcimaniketc.  Kaskina Atikamekw nehirowisiwok ki micta kicterimewok.  1971 ka ocitakaniwok masinactetcitcikan e ki wapatahiwetc e ici matcinaniwok e tcimankaniwok.  Nokosiw epitc micta wewerita aitotak e tcimaniketc. 1995 ka ickwa matisitc, 92 tatopiponesipan.