Wepahape atisokan

Ka iti ickwa piponikak 1800 nac 1900 ka iti ocki piponinak ki micta  mitcetiwok ka ki pe icatcik ota Mauricie askik.   Kirowe iriniwok mitcetipinak e pe nta wepahapetcik ota.  Niki iriniwok micta misikitapanak. Nanikotin 300 $ kicikasopanak peiko pipona kitci pe nta wepahapetcik ota.  Ni apitc wiec 298 $ kanewipan awik peiko pisimwa e otamirotc.

Kapataniwon nac Lac Moïse, 1895

Misowatc kicatc e oreritcikatekipan ite ke icaniwok ki airiman wipatc kitci ki takocinaniwok ite wa icaniwok.  Tepirak maka tca ickote tciman kekotc mictikw tciman apatanopan ni apitc.  Mitcetowaw arimatc kapataniwonopan.  Pactonewok ki akacehakaniwok kitci awotcitasotcik e kapataniwok nac kitci takocinaniwok ite wa icaniwok.  Mitceto kicko tacikatepan kitci ki takocinaniwok.

Sakihikanik Duchesne « Club Fish and Game », 1916

Niki nictam ka ki pe nta wepahapetcik ota nama takonipan onimiskiw ickoteapiriw nama kaie  « propane » ka icinikatek.  Nama tca takonipan miskomiwociriw.  Kitci kinec mirwacinik omitcimimiwaw ki wartawkokewok e seskitinikarik matanak ekotca miskomiwa acitc omitcimimiwaw e ici actawaspan atamiskik. Kiapatc ekoni e totakik atita « pourvoirie » ka mitatcik.

Miskomiwoc pactone kiwamik pourvoirie J.E. Goyette, 2017

Ni apitc kitci ki kanaweritcikatek kinec mitcim matci pasikatepan, pasanowanopan kekotc ciwotakanapok akotitakaniwonopan.  Teka anotc kitci kackitawaspan wepahape iriniwok ni kiapatc ici pamatisinaniwok.  Peikon mocak ki pe icawok misawatc e arimanikipan epitc sakitawaspan e wepahapetcik. Ekotca e atisokewaspan e ickwa kiwetcik.

Askik e nipiwonik ici arakaniwiw names